Eraberritze orokorrak
Etxebizitza baten barne-eraberritzearen barruan, bizitzeko egokia den espazioa berregituratu behar da; horretan, besteak beste, akabera-aldaketak, barne- eta kanpo-arotzeria, klimatizazio-instalazioak, ura, elektrizitatea, gasa eta energia berriztagarriak sar daitezke. Antedin aholkuak ematen dizkizugu prozesuaren hasieratik amaierara arte, eta gaur egungo produktuak eta kalitatezkoak eskaintzen dizkizugu, inguruko hornitzaileekin lan egiten baitugu.
Antedin edozein proiektu modu integralean gauzatzeko behar diren baliabide eta ezagutzak ditugu, eta hala erakutsi dugu urtetan, lokal askotan lan egin dugu eta. Dela eskala txikiko eraberritzea, dela erabilera-aldaketa, dela eraberritze integrala, lan guztiak egiten lagunduko dizugu: eraispenak, igeltserotza, zurgintza, errementaritza, instalazioak eta akaberak.
Gure taldeak lankidetzan dihardu hainbat erakunde publiko eta pribaturekin, eta haiekin era guztietako lanak egin ditugu, besteak beste, ikastetxeetan, bulegoetan eta kirol-ekipamenduetan. Beti gure bezeroen beharrei erantzuten diegu, eta bizkortasuna eta kalitatea dira gure helburuak.
Gure hirietan dauden eraikinetatik harago, espazio libreetan ere esku hartzen dugu, hala nola etxebizitzetarako sarbideetan, lorategietan, zirkulazio-eremuetan, aisialdi-eremuetan… Profesional kualifikatuenen kolaborazioarekin, ez dago lanik guretzat handiegia denik.
Eraikinetako egitura-elementuetan kalteak gertatu izana izaten da patologiarik ohikoenetako bat gure egunerokoan; izan ere, denboraren joanean materialak hondatu egiten dira, eta konpondu egin behar izaten dira. Esperientzia handia dugu alor horretan, eta horrek nabarmendu egiten gaitu, puntu gatazkatsuak identifikatu eta konpondu ahal ditugulako okerreratu aurretik.
Erkidegoak
Adituak gara fatxadak birgaitzen, eta hala abalatzen digute egin ditugun hainbat eta hainbat lanek. Lan puntualak, hala nola premiazko arreta eman behar zaion lur-jauzi bat, edota kanpotik isolamendua gehituz energia-hobekuntza bat behar bada, Atedin erantzuna eta konponbidea aurkituko duzu, betiere profesional eta material onenak izanda.
Irisgarritasuna ezinbesteko baldintza da pertsona guztiak modu independentean eta bereizkeriarik gabe bizi ahal izateko. Gaur egun, gero eta bizilagun-erkidego gehiagok erabakitzen dute atariak zaharberritzea, instalazioak egokituz bizilagunen bizi-kalitatea hobe dadin, zero kotara jaitsiz, argiztapenean eta seinaleztapenean hobekuntzak eginez, besteak beste, eta,
gainera, higiezinen balioa handitzea ere lortzen dute horrela.
Euri asko egiten duen leku batean bizi gara, eta estalkiak gure eraikinen zati garrantzitsua dira, eguraldi txarretik babesten baikaituzte Terrazak izan, ibiltzeko ez diren estalki lauak edo ohiko teilatuak izan, lantalde kualifikatua eta espezializatua dugu aurki dezakegun lan-mota bakoitzerako.
Gure esku-hartzeetan eskaintzen dugun bermea da gure aurkezpen-gutunik onena,
beti erantzuten baitiogu gure bezeroen edozein gorabeherari.
Irisgarritasunari buruzko araudiaren eskakizunei erantzuteko, eta dauden eraikinak egokitzeko erabiltzaile guztiak modu independentean iritsi daitezen, Antedin hainbat birgaitze-proiektutan lan egiten dugu igogailuak instalatzeko eta eguneratzeko.
Lehendik dauden eraikinen mantentze-lana da etorkizunean patologia larrienak saihesteko modurik onena. Horretarako, zenbait esku-hartze programatzen ditugu aldian-aldian, eguraldi txarragatik edo materialen berezko degradazioagatik kalteak jasan ditzaketen eraikuntza-elementuak garbitzeko, zaintzeko eta doitzeko.
Obra publikoa
Urteak daramatzagu Eusko Jaurlaritzarekin kolaboratzen, gure lan eta esperientzian konfiantza baitute. Gaur egun, gure bezero nagusietako bat izaten jarraitzen du.
Inguruetako ikastetxeetan ere ibiltzen gara, dela ikastetxe berriak eraikitzeko, dela haiek mantentzeko, eta, dagoeneko, konfiantza- eta profesionaltasun-harremana sendotu dugu Eusko Jaurlaritzako hezkuntza-ordezkaritzarekin.
Gobernua osatzen duten erakundeekin lankidetzan dihardugu, besteak beste, Eusko Jaurlaritzako Portu eta Itsas Gaietako Zuzendaritzarekin. Alde horretatik, gure kolaboraziorik handiena Donostiako Klub Nautikoan eskaintzen dugu.
